كلهم اولادي‏

كلهم اولادي

هالنوح يا زهرة على منهو تنوحين – نوحچ على المسموم لو نوحچ على حسين

حنّت ونادت والدمع عالخد بادي
إن تسألوني يا خلق كلهم اولادي
لچن مصاب حسين ظل ماضي بفادي
كل العزا والنوح والصيحة على حسين

ابچي على اولادي فِنوا بالسيف والسم
وابچي على ابوهم قتيلٍ لإبن ملجم
وانجان بالله تسألوني يا هو الأعظم
كل المصايب هونتها مصيبة حسين

دهري رماني بالرزايا بكل غالي
شتت اولادي عن يميني وعن شمالي
ما شوف ساعة فارغ من النوح بالي
واعظم لو نعى الناعي على حسين

ابچي على اولادي ذبايح يوم عاشور
وآنا نِصَبت العزا ليهم وسط القبور
ونسيت ضلعي الي ابصير لباب مكسور
كل العزا والنوح والصيحة على حسين

مصابي نحلني وهيج أحزاني عليّه
ورّث عليّه مصاب يوم الغاضريه
راسه مشوا به وجثته ظلت رميّه
ظلت ثلاثه بالعرى من غير تچفين

لا تحسبوني للرضا في طوس ما جيت
و لا إلى بغداد ما رحت وتعنيت
كلهم عليهم نوَحِت والجيب شگيت
واعظم عليّه لو ذكرت مصيبة حسين

يسلموا على هذا الشعر الجميل

:شكرا::شكرا: